Lítill þungi í Kastljósi

Mál, sem snertir marga, var tekið til umfjöllunar í Kastljósi í kvöld. Fjallað var um svokallaða magahjáveitu sem ungur maður fór í. Fram kom að viðkomandi hafði misst 37 kg af líkamsþyngd eftir aðgerðina sem mér skilst að hafi farið fram í nóvember í fyrra.

Vandinn við umfjöllunina er sá að hvergi kom fram hve þungur viðkomandi var þegar hann fór í aðgerðina né hve þyngdin var þegar viðtalið fór fram. Á það var minnst að viðkomandi hafi sennilega verið 190 kg þegar hann var hve þyngstur og sjálfur sagðist hann hafa sett stefnuna á að komast niður í 95 kg í stað 100 kg sem var markmiðið þegar farið var í aðgerðina. Umfjöllun eins og þessi er svipuð því og ef Kastljósið tæki að sér að bera saman bensín- eða dísileyðslu bíla og nefndi ekki muninn á eyðslunni ef ákveðinn aukabúnaðar til sparneytni væri settur í bílana. Þetta er ekki í fyrsta skipti sem Kastljósið klikkar á faglegum vinnubrögðum. Útlitið virðist skipta meira máli en gæðin. Þarf að hækka laun stjórans og starfsmannanna til þess að muna eftir grundvallaratriðum í fréttamennsku?

Athugasemdir

[Kolbrún Baldursdóttir, 27.3.2008 kl. 20:20]

Sæll, jú það kom fram, mig minnir það alla vega, hann var 190 kíló áður. 

Þetta er líka svona follow- up viðtal, talað var við manninn áður en hann fór í aðgerðina og jafnvel fáeinum dögum eftir hana, ef minni er ekki að svíkja mig. Það var í lok síðasta árs.

[Eiríkur St. Eiríksson (IP-tala skráð) 27.3.2008 kl. 20:36]

Ef þetta er rétt þá var maðurinn, sem var í Kastljósviðtalinu, tæplega 140 kg. Svo var þó ekki. Ég giska á að maður af þessum holdum hafi verið á að giska 120 kg. Ég vil hins vegar fá að vita frá hvaða tölu á að draga 37 kg. Aftur giska ég og þá á um 160 kg. Það, sem skiptir öllu máli í þessu sambandi, er að umfjöllunin er óvönduð. Fyrst maðurinn vildi koma í viðtal þá held ég að hann hafi fús viljað greina frá þyngd sinni fyrir og eftir aðgerðina. Til þess er leikurinn gerður. Ég óska honum að sjálfsögðu til hamingju með árangurinn og aukin lífsgæði en það breytir því ekki að þeir, sem fjalla um málið, verða að vinna vinnuna sína. Það er þeirra hlutverk að miðla upplýsingum (ekki misvísandi eða beinlínis röngum) til þeirra sem fylgjast með þættinum.

[Eiríkur St. Eiríksson (IP-tala skráð) 28.3.2008 kl. 10:15]

Allt er þetta rétt hjá Árna. Það er hins vegar umhugsunarefni hvort maður var að horfa á Kastljósið eða Gettu betur. Vísbendingaspurningar geta verið skemmtilegar þar sem þær eiga við.